[Interlingua-gen] Lista de parolas pro corrector orthographic

[Alberto Mardegan]

Salute!
  In martio/april un nove version de OpenOffice (2.0) va probabilemente
esser preste. Il esserea bon cosa si etiam le corrector orthographic pro
interlingua esseva preste in ille data, in maniera que le distributiones
de OpenOffice in CD jam lo contineva.
Il jam existe un corrector orthographic pro interlingua, ma le lista de
parolas que illo recognosce non es tanto grande; io aperiva un projecto,
http://savannah.nongnu.org/projects/interlingua/
que ha como objectivo le melioramento del supporto a interlingua de
varie programmas computatorial. Actualmente, le lista de parolas que io
usa pro le correction orthographic es:

http://savannah.nongnu.org/download/interlingua/ia_myspell.zip

Io vos scribe pro demandar vos, si vos ha un lista de parolas que vos
usa personalmente como referentia; in tal caso, il me placerea que vos
me lo invia (preferibilemente in formato txt), assi que io controla si
io pote aggrandir mi lista e finalmente submitter lo al projecto
OpenOffice.


-- 
Saluti,
    Mardy
http://interlingua.altervista.org