[ordbanken] Forbetra raskt oppslag i Ordbanken

[Karl Ove Hufthammer]

For dei som har hatt problem med bruka av Ordbanken (utan deaktivering 
av «look»-funksjonaliteten for raske oppslag) på Debian, *buntu, FreeBSD 
eller Mac, no trur eg eg har fiksa problemet.

Sjå https://savannah.nongnu.org/bugs/?46362 for den *laaange* 
forklaringa på heile den triste soga. Kort oppsummert: Det finst to 
utgåver av verktøyet «look», som Ordbanken brukar for å gjera oppslag på 
enkeltord svært raskt. Desse oppfører seg ikkje heilt likt. Dette førte 
til problem på BSD- og Debian-baserte distroar. Det var vanskeleg å 
komma til botnen i problemet, men no skal det vera fiksa.

Rettinga ligg i siste SVN-versjon av programvara: 
https://savannah.nongnu.org/svn/?group=ordbanken

Last ned og prøv sjølv. Oppslag på enkeltord skal gå svært raskt. (På mi 
maskin tar det under 1/20 sekund å slå opp eit ord.)

Vil de det skal gå endå raskare, har eg lagt til instruksjonar i 
«ordbanken --eksempel» om korleis de legg til eit alias, slik at de 
slepp å skriva «ordbanken», men kan forkorta det til for eksempel «o», 
og om korleis de ordnar det slik at autofullføring via «bash completion» 
framleis skal fungera med det forkorta programnamnet.

--
Karl Ove Hufthammer